आमा

Posted by Dreamer at 01:25 Read our previous post

विभिन्न आशा बोकी जन्माईन् मलाई मेरी आमाले

दुख, पिर, व्यथा सहेर हुर्काईन् मलाई मेरी आमाले।

पछि गएर उनको सपना पुरा गर्ने आशाले

उनलाई केवल हाँसो र खुशी दिने आशाले।

तर, आज म निराश छु, उदास छु

किनकि, आज म अशक्त भएँ उनको सपना बिपना बनाउन

आज म असफल भएँ उनलाई फेरी पहिले झैं हँसाउन।

त्यही पनि उनी हाँस्तै भनिन्,

निराश नहोऊ, तिमीले मेरो सपना पुरा नगरे पनि, म तिम्रो गर्ने छु।

तिमीले मलाई हँसाउन नसके पनि, म तिमीलाई हँसाउने छु।

म आज आफैं देखि घृणित छु।

म आज आफैं देखि लज्जित छु।

केवल एउटा आमाको सपना पूरा गर्न नसक्ने लाछी भएछु।

लाछी भएछु।

(पहिलो रचना २०५८ साल- गुन्जन त्रैमासिक- १९ प्रकाशित)